.
.
يبه وآنا بعد آثنعش عام حسيت
آني قدرت اقول شيٍ كتمته
آبطى قصيدي ما انكتب فيك و آبطيت
آجر صوتي و آرجع اجر صمته
ماودي آكتب بيت و آندم على بيت
ما هوب شعر الشعر كاني زهمته
آلشعر كانه ما انحنى لّي ماجيت
آن ماعزم مرثيتك ما عزمته
آن ما كتبته بازرق الدمع وابكيت
كل الجروح المبطيه ما رحمته
يبه وانا من بعدك آبو التناهيت
ما مر طعمٍ للحزن مانهمته
يبه... يبه كلمه و آنا كل ماآوحيت
كلمة يبه صديت و الوقت لمته
يبه ..يبه كلمه و انا كم تمنيت
آهدم بها وآبني بها اللي هدمته
يبه وآنا لآضقت رحت و تهجيت
ركون بيتٍ ضم حلمٍ حلمته
يومك تعلمني آلآ من تحاكيت
درس الحياه اللي كبرت و فهمته
هناك كانت دلتك لآ تقهويت
وهناك كان يساق طيبٍ حشمته
وهناك آيه آذكرني هناك خليت
طفلٍ ملآ بالدمع دربٍ رسمته
هناك جاني علمك آنك توفيت
وهناك خاويت الشقآ و آحتزمته
وآليوم قلت اليوم يومي و مديت
كف القصيد و طاح شعر و نظمته
لكن بعد صمت آثنعش عام حسيت
آني عجزت اقول شيٍ كتمته..!!
.
.
/ فهد آلمسـآعدْ..
.
/ فهد آلمسـآعدْ..
ليست هناك تعليقات:
إرسال تعليق